Қозоғистон Президенти бир йилда 150 та халқаро тадбирда иштирок этган
30 Декабрь 19:42

Қозоғистон Президенти бир йилда 150 та халқаро тадбирда иштирок этган

NUR-SULTAN. Kazinform – Kazinform ҚР Президент Қасим-Жомарт Тоқаевнинг 2021 йилдаги фаолиятининг қисқача шарҳини тақдим этади.

Жорий йилда Президент иштирокида 500 та протокол ва 150 та халқаро тадбир ўтказилди. Президент, шунингдек, 10 марта хорижга сафар қилиб, онлайн ва офлайн форматда 17 та давлатлараро ва 3 та халқаро форумларда иштирок этган.

Аввал хабар қилинганидек, Президент 2021 йилда 19 кун хорижда, 12 кун ҳудудларда бўлди.

Таъкидлаш жоизки, Президентнинг жорий йилги ташрифларининг аксарияти Марказий Осиёнинг қардош давлатларига тўғри келди. Унинг Тожикистон, Қирғизистон, Ўзбекистон, Туркманистон, Туркияга ташрифлари бунинг далилидир.

17 август куни Қасим-Жомарт Тоқаевнинг Корея Республикасига давлат ташрифи бошланди.

Сентябр ойида Қозоғистон Президенти Коллектив хавфсизлик шартномаси ташкилоти ва Шанхай ҳамкорлик ташкилоти раҳбарларининг қўшма йиғилишида иштирок этиб, Покистон ва Эрон Ислом республикалари раҳбарлари билан музокаралар ўтказди.

Ноябр ойи охирида Давлат раҳбари Европанинг бир қанча давлатларида расмий ташриф билан бўлиб, Бельгия Қироллиги ва Швейцария Конфедерацияси расмийлари билан учрашди.

Жаҳон соғлиқни сақлаш ташкилоти Жаҳон соғлиқни сақлаш ассамблеясининг махсус сессиясида ҳам иштирок этди.

28 декабр куни Мустақил Давлатлар Ҳамдўстлиги Давлат раҳбарларининг анъанавий норасмий учрашувида иштирок этиш учун Россиянинг Санкт-Петербург шаҳрига борди.



Янгиликлар

Архив