Қозоғистон Президенти беш тилда эфирга узатиладиган Jibek Joly телеканалига ташриф буюрди

ASTANA. Kazinform –Қасим-Жомарт Тоқаев бугун Қозоғистон Республикаси Президенти телерадиокомплекси таркибига кирувчи Jibek Joly телеканалининг янги жиҳозлари ва студия мажмуасига ташриф буюрди, дея хабар беради Kazinform Ақордага таяниб.

Давлат раҳбарига камералар ва роботлар билан жиҳозланган, жаҳон андозалари асосида кўрсатувлар олиб борувчи янги замонавий студия тақдим этилди.

Телерадиомажмуа Бош директори Раушан Қажибаева Президентга Ultra HD форматида жонли эфирга узатиш имконини берувчи юқори технологияли замонавий ускуналар билан жиҳозланган студия жиҳозларини кўрсатди.

Телеканал беш тилда кўрсатувлар олиб боради. Янгиликлар студияси синхрон таржима билан жонли эфирга мўлжалланган.

Қасим-Жомарт Тоқаев оммавий ахборот воситалари вакилларининг меҳнатини юқори баҳолади ва уларнинг профессионаллиги муҳимлигини таъкидлади.

Президент телеканал жамоасига миннатдорчилик билдириб, ходимларга ижодий муваффақиятлар тилади.