Қозоғистон Президенти Ахборот вазирини қабул қилди

NUR-SULTAN. Kazinform – Президент Қасим-Жомарт Тоқаев Ахборот ва жамиятни ривожлантириш вазири Аида Балаевани қабул қилди, деб хабар беради Kazinform Ақорда матбуот хизматига асосланиб.

Қасим-Жомарт Тоқаевга ахборотлаштириш стратегиясининг амалга оширилиши ва Давлат раҳбарининг Қозоғистон халқига Мурожаатномасида берган кўрсатмаларининг бажарилиши тўғрисида маълумот берилди.

Шунингдек, вазир фуқаролик жамиятини ривожлантириш масалаларига тўхталиб ўтди ва бу борадаги вазифаларни амалга ошириш бўйича аниқ режаларни тақдим этди.

Учрашув якунида Президент Қасим-Жомарт Тоқаев бошланган ишни давом эттириш зарурлигини таъкидлаб, вазирликка бир қатор топшириқ ва кўрсатмалар берди.