Қозоғистон Президент Ақтоғай рудаларини бойитиш комплексида янги фабрикани ишга туширди
Бу комлексга дунёдаги энг йирик мис конларидан бирига айланиш имконини берди.
Президент ташриф давомида «KAZ Minerals Aqtogay» компаниясининг асосий кўрсаткичи билан танишди ва руда қазиб олиш жараёнини кўрди.
Кейин Давлат раҳбари янги сульфид фабрикасининг иш бошлашига расман рухсат берди ва корхона ходимларига мурожаат қилди.
Қасим-Жомарт Тоқаев йиғилганларни рудаларни бойитиш фабрикасининг ишга туширилиши билан табриклади ва миллий саноатнинг ривожланишига янги туртки берадиган лойиҳанинг стратегик аҳамиятини таъкидлади.
- Мен ўтган йилги Мурожаатномамда саноатлаштиришнинг 10 йиллигида ишлаб чиқариш саноатининг иқтисодиётни ривожлантиришга қўшган ҳиссаси биринчи марта тоғ -кон саноати улушидан ошиб, 13 фоизга етганини айтгандим. Жорий йилнинг 8 ойи якунларига кўра, қайта ишлаш саноатининг ўсиш суръати қарийб 6 фоиз даражасида сақланиб қолди. Саноатлаштириш харитаси доирасида 12 минг янги иш ўрни яратилди ва 120 дан ортиқ янги ишлаб чиқариш йўлга қўйилди. Йил охиригача «Саноат сиёсати тўғрисида» ги қонун қабул қилинади. Умуман олганда, бизнинг вазифамиз - 2025 йилга келиб қайта ишлаш саноати экспортини 1,5 баробар, меҳнат унумдорлигини 30 фоизга ошириш. Бунинг учун бизга саноат 4.0 элементларига ега ва ўз маҳсулотларини экспорт қиладиган замонавий корхоналар керак. Янги рудаларни бойитиш фабрикаси ана шундай талабларга жавоб беради, - деди Президент.
Президент ўз нутқида компания ходимлари мамлакат иқтисодиётининг ривожланишига катта ҳисса қўшаётганини ҳам қайд этди.
Давлат раҳбари янги заводни ишга туширишнинг ижтимоий-иқтисодий афзалликларини қайд этди.
- Қайта ишланган маҳсулотларнинг экспорти ошади. 700 та янги иш ўрни яратилади ва бюджетга солиқлардан қўшимча 80 миллион доллар тушади. Комбинат Шарқий Қозоғистон вилоятида янги ижтимоий объектлар қурилишида, таълим ва тиббиёт муассасаларининг жиҳозланишини яхшилашда фаол иштирок этмоқда. Бу корпоратив ижтимоий масъулиятнинг муносиб намунасидир, - деди Қасим -Жомарт Тоқаев.
Давлат раҳбари корхонанинг ўзига хослигини таъкидлаб, комплекс раҳбариятининг ижтимоий масъулиятини юқори баҳолади.
- Қозоғистоннинг Биринчи Президенти - Елбасы Нурсултон Назарбоевнинг саъй -ҳаракатлари туфайли мамлакатда шундай йирик саноат объектлари барпо этилмоқда. Бундай объектлар саноатнинг моҳиятини тушунадиган дунё ва саноат ҳамжамиятининг диққат марказида. Бу бизнеснинг ижтимоий масъулиятининг яққол далилидир. Комбинат раҳбариятига ижтимоий ва маиший масалаларга алоҳида эътибор қаратгани учун миннатдорчилик билдирамиз, - деди Президент.
Президент фабрикани қисқа вақт ичида қуриб битказган қурувчиларга миннатдорчилик билдирди.
- Бу Мустақилликнинг 30 йиллигига муносиб совға бўлди. Бу каби аниқ лойиҳаларни амалга оширишга эътибор қаратиш лозимлигини олдин ҳам айтгандим. Янги корхона бунинг яққол исботидир, - деди Президент.
«KAZ Minerals PLC»директорлар кенгаши раиси Олег Новачук ва корхонанинг ёш мутахассислари ҳам ишга тушириш маросимида сўзга чиқиб, Қозоғистон Президентига ҳар томонлама қўллаб -қувватлагани учун миннатдорчилик билдирди.
«KAZ Minerals» компаниялар гуруҳи 2017 йилда давлат -индустриал -инновацион ривожланиш дастури доирасида «Ақтоғай» рудаларни бойитиш фабрикасининг ишлаб чиқариш қувватларини кенгайтириш лойиҳасини ишга туширди.
Комбинатнинг иккинчи фабрикасининг ишга туширилиши рудани қайта ишлаш ҳажмини йилига 25 дан 50 миллион тоннагача оширади.
Умуман олганда, конни фойдаланишда инвестициялар миқдори, шу жумладан Aктоғай I ва Aктоғой II лойиҳалари 3,2 миллиард долларга етди.
2022 йилдан бошлаб конда 190 минг тонна мис, шу жумладан 20 минг тонна катодли мис ишлаб чиқариш режалаштирилган.
Комплексда 3 мингдан ортиқ киши ишлайди.
Компания илғор технологиялардан, жумладан, сунъий интеллектга асосланган дастурлардан кенг фойдаланади.