Қозоғистон пойтахти депутатлари Астана номини қайтариш таклифини қўллаб-қувватлади
Бугун ижтимоий тармоқлар ва жамиятда муҳокама қилинаётган депутатлар таклифи юзасидан маслихатда жамоатчилик эшитуви бўлиб ўтди. У ерда Жамоатчилик кенгаши аъзолари эски номни пойтахтга қайтаришни қўллаб-қувватлади. Кейинроқ мазкур таклиф маслиҳатнинг навбатдан ташқари сессиясида кўриб чиқилди.
«Халқаро тажрибада мамлакат пойтахтларининг аввалги номларини қайтариш ҳолатлари мавжуд. Биз Янги Қозоғистонга кириб борар эканмиз, пойтахтнинг янги номи рамзий маънога эга бўлади. Маҳаллий аҳоли сифатида мен Астана номини пойтахтимизга қайтариш тарафдориман. Бу нафақат Қозоғистонда, балки бутун дунёда танилган. Бу машҳур бренд», — деди маслихат депутати Асқар Смағулов.
Маслихатнинг навбатдан ташқари сессиясида 31 депутатдан 25 нафари иштирок этди, унда собиқ номни пойтахтга қайтариш масаласи муҳокама қилинди. Сессия якунларига кўра, депутатлар таклифни қўллаб-қувватлаб, тегишли қарор қабул қилдилар. Энди ҳужжат Ҳукумат ҳузуридаги Республика Ономастика комиссиясига юборилади.
Маслихат котиби Ерлан Каналимов пойтахт номини ўзгартириш билан боғлиқ харажатлар масаласига изоҳ берди. Унинг айтишича, мамлакат рақамли ҳужжат айланишига ўтаётганини ҳисобга олсак, харажатлар камроқ бўлади.