Қозоғистон Покистон бозорига қарийб 80 турдаги маҳсулот экспорт қилади
Қозоғистон ва Покистон ўртасидаги савдо-иқтисодий, илмий-техникавий ва маданий ҳамкорлик бўйича ҳукуматлараро комиссиянинг Исломободда бўлиб ўтган 11-йиғилишида шундай келишувга эришилди.
«Тадбиркорларимиз Покистон бозорига Қозоғистон маҳсулотларини, хусусан, дон ва дуккакли экинлар, ўсимлик ёғи, макарон, ун ва қандолат маҳсулотларини экспорт қилишга, Қозоғистон эса ўз навбатида мева-сабзавот маҳсулотларини импорт қилишга қизиқиш билдирмоқда. Келгусида мамлакатимиз Покистон бозорига турли соҳаларда 411 миллион доллардан ортиқ 80 турга яқин қайта ишланган маҳсулотлар етказиб беришга тайёр», — деди ҚР Савдо ва интеграция вазири Серик Жуманғарин.
Мазкур ҳукуматлараро комиссия якунларига кўра, томонлар 9 та ҳужжатни имзоладилар.
«Биз юк транзити ва ташиш бўйича ҳамкорлик меморандумини имзоладик. Айни пайтда биз бошқа салоҳиятли ҳамкорлар билан йилига Қостанайдан Хайратонга 2,5 минг тонна ун ва Покистондан 50 минг тоннага яқин картошка ташиш масаласини муҳокама қилмоқдамиз, – дейди Қозоғистон «Дала Транс» МЧЖ тижорат директори Нурсултан Нажиметдинов.
Муаллиф: Алихан Асқар