Қозоғистон Парламенти ЕОИИ мамлакатлари билан энергетик ҳамкорлик тўғрисидаги ҳужжатни ратификация қилди

NUR-SULTAN. Kazinform - Қозоғистон Парламенти Мажилисининг умумий йиғилишида «2014 йил 29 майда Евроосиё иқтисодий иттифоқи тўғрисидаги шартномага Арманистон Республикаси қўшилиши муносабати билан ўзгартишлар киритиш тўғрисидаги Ҳужжатни ратификация қилиш тўғрисида» ги қонун лойиҳасини маъқуллади, деб хабар беради Kazinform мухбири.

Евроосиё иқтисодий иттифоқи тўғрисидаги асосий битим 2014 йил 29 майда Беларусь, Қозоғистон ва Россия ўртасида имзоланди. Арманистон 2014 йил 10 октябрда имзоланган Арманистон Республикаси ЕОИИга қўшилиш тўғрисидаги шартнома доирасида шартномага қўшилди, бунга оид ҳужжатларни барча аъзо давлатлар ратификация қилди ва 2015 йил 2 январда Арманистон тўлақонли аъзо бўлди.

«Шу билан бирга, электр энергияси соҳасидаги табиий монополиялар хизматларидан фойдаланиш имкониятини таъминлаш тўғрисидаги Ҳужжатга, шу жумладан, Шартноманинг 21-моддасига асосан, ҳозирги кунда ЕОИИда нарх белгилаш ва тариф сиёсати доирасига қўшилган давлатлар ўртасида электр энергиясини (қувватини) давлатлараро узатиш методологияси амал қилади. Электр энергиясини давлатлараро Арманистон ҳудудидан узатиш орқали амалга оширишда Арманистон татбиқ этилмайди. Шу муносабат билан, 2017 йил 3 мартда Евроосиё иқтисодий иттифоқи Кенгаши Арманистон Республикасининг қўшилиши муносабати билан ЕОИИ тўғрисидаги шартномага ўзгартиришлар киритиш тўғрисидаги Ҳужжат лойиҳасини маъқуллади. Ҳужжатнинг мақсади Арманистоннинг Шартномага қўшилиши муносабати билан аъзо давлатлар ўртасида электр энергиясини давлатлараро узатишни амалга ошириш методикасини аниқлашдир», - деди энергетика вазири Нурлан Ноғаев.

Унга кўра, Ҳужжатнини ратификация қилиш Евроосиё иқтисодий иттифоқига аъзо давлатлар, шу жумладан Арманистон Республикаси билан электр энергияси соҳасида узоқ муддатли самарали ҳамкорликни таъминлайди.

Муаллиф: Руслан Ғаббасов