Қозоғистон пандемияга қарши кураш учун деярли 900 миллиард тенге сарфлади
18 Май 19:15

Қозоғистон пандемияга қарши кураш учун деярли 900 миллиард тенге сарфлади

NUR-SULTAN. Kazinform - Қозоғистонда CОVID-19 пандемиясига қарши курашиш учун қанча маблағ сарфлангани ҳақида Қозоғистон Республикаси Соғлиқни сақлаш вазири Ажар Ғиният маълум қилди, дея хабар беради Кazinform мухбири.

Вазирнинг сўзларига кўра, 2020 йилда пандемияга қарши курашиш учун 252 миллиард тенге ажратилган.

«Шундан 28 миллиарди дори воситалари, ҳимоя воситалари, тиббий асбоб-ускуналар сотиб олишга, 197 миллиард тенге шифокорларга қўшимча тўловлар, саёҳат харажатлари, асосан, СЭС ходимлари учун ажратилган. Бундан ташқари, 2020 йилда аҳолига тиббий ёрдам кўрсатган ходимларга иш ҳақи тўлаш учун 20 миллиард тенге, шундан 5 миллиард тенге сунъий нафас олиш аппаратига ажратилган», — деди А.Ғиният.

Эълон қилинган маълумотларга кўра, 2021 йилда пандемияга қарши курашиш учун 556 миллиард тенге ажратилган.

«2021 йилда коронавируснинг учта тўлқини бўлди, улар бутун йил давомида бу вирусга қарши курашдилар. 97 миллиардтенге вакциналар, шприцлар ва коронавирус диагностикаси учун, 413 миллиард тенге шифокорларга қўшимча тўловлар ва йўл харажатлари учун, 40 миллиард тенге шифохоналарда даволанишга тўловлар учун сарфланди», — деди Ажар Ғиният.

Агентлик маълумотларига кўра, 2022 йилда коронавирусга қарши курашга 86 миллиард тенге ажратилган.

Ундан 9 миллиард тенге VeroCell ва QazVac вакциналарини харид қилишга, 20 миллиард тенге Pfizer сотиб олишга йўналтирилган.

Умуман, Қозоғистонда пандемияга қарши курашиш учун 890 миллиард тенгедан ортиқ маблағ ажратилди.

Муаллиф: Серик Сабеков


Ўхшаш янгиликлар

Янгиликлар

Архив