Қозоғистон Осиё ва Европани боғловчи муҳим транзит кўприкка айланди – Елбасы
«Бугун биз Марказий Осиёдаги энг йирик иқтисодиётга айландик. Минтақа ялпи ички маҳсулотининг ярмидан кўпи Қозоғистон ҳиссасига тўғри келади. Мамлакатга 250 миллиард долларга яқин тўғридан-тўғри инвестициялар жалб этилди. Фуқароларнинг фаровонлиги бир неча баробар ортиб, Шарқий Европанинг бир қатор мамлакатлари даражасига етди. МДҲда биз Россиядан кейин иккинчи ўринни эгалладик. Миллий фонд ташкил этилди. Бу ҳозирги ва келажак авлодлар учун қалқон, жиддий бойликдир. Мамлакатнинг олтин-валюта захиралари 100 миллиард долларга яқин. Иқтисодиётни жадал саноатлаштириш, хизмат кўрсатиш ва сервис соҳасини яратиш ишлари олиб борилмоқда. Бу хомашёга қарамликдан қутулишга қаратилган. Биз денгизга чиқа олмаган давлат сифатида 15 минг километрдан ортиқ автомобил ва темир йўлларни қурдик», - деди Елбасы «АСТАНА КЛУБ-2021» йиғилишида.
Нурсултан Назарбаевнинг қайд этишича, бу Қозоғистонга Тинч ва Атлантика океанлари, шунингдек, Форс кўрфазига чиқиш имконини берди.
«3,6 минг километр темир йўл қурилди. Таққослаш учун, Совет ҳокимияти даврида 70 йил ичида биргина 1300 километрлик Турксиб темир йўлини қурган бўлса. Қисқа вақт ичида кўплаб йўллар қурганимиз эса кўп нарсани англатади. Бошқача айтганда, Қозоғистон Осиё ва Европани, Шимол ва Жанубни боғловчи муҳим транзит кўприкка айланди. Биз 15 минг километр узунликдаги давлат чегарасидан қонуний равишда рўйхатдан ўтдик», - деди Елбасы.