Қозоғистон олтин захираси бўйича дунёда 13 ўринга чиқди

NUR-SULTAN. Kazinform – Қозоғистоннинг олтин-валюта захиралари сезиларли даражада ўсди ва 2020 йил ноябрь ойида 33 миллиард долларни ташкил этди. Бу бир йил олдинги кўрсаткичдан 13,8 фоизга юқори, деб хабар беради Kazinform Finprom.kzга асосланиб.

Ўтган йилнинг шу даврига нисбатан бу кўрсаткич 26,9 фоизга ўсиб, 23,2 миллиард АҚШ долларни ташкил қилди. 2015 йилдан бошлаб олтиннинг мамлакат захирасидаги улуши доимий равишда ошиб бормоқда. Жорий йилнинг октябрь ойида олтин-валюта захирасидаги улуши 69,1 фоизга етди.

Олтин улушининг сезиларли ўсиши қимматбаҳо металларни оммавий сотиб олиш ва Миллий банк портфелини диверсификация қилиш билан боғлиқ. Коронавирус пандемияси ва энергия манбалари бозоридаги ноаниқлик туфайли юзага келган инқироз шароитида олтинга сармоялар тобора муҳим аҳамият касб этмоқда.

Қозоғистон олтин захираси бўйича дунёда 13 ўринда. 2014 йил 4-чорагида Қозоғистон ушбу рейтингда 23-ўринни эгалаган. Ўша йилдан буён ҚР Миллий банкининг олтин-валюта жамғармаси қимматбаҳо метални фаол равишда сотиб олмоқда, бу эса жорий йилнинг ноябрь ойида 383,3 тоннани ташкил қилди.

ҚР Миллий банки 2014-2019 йилларда 215,2 тонна олтин сотиб олди. Бундан ташқари, жорий йилнинг 3-чорагида Қозоғистон олтин сотиб олиш бўйича дунёнинг ТОП-5 мамлакатларидан бирига кирди.