Қозоғистон нефть экспорти ҳажмини 12 фоизга оширди, асосий харидор - Италия

NUR-SULTAN. Kazinform – Хом нефт, шу жумладан битумли минераллардан олинган нефт ишлаб чиқариш ҳажми январ-май ойларида 31,9 миллион тоннани ташкил этди ва ўтган йилнинг шу даврига нисбатан 5,5 фоизга ўсди. Бу ҳақда Kazinform Еnergyprom.kzга асосланиб хабар берди.

ҚР Энергетика вазирлиги маълумотларига кўра, июн ойи охирида ОПЕК+ келишувида иштирок этувчи давлатлар вазирларининг видеоконференция форматида йиғилиши бўлиб ўтган ва ҳозирги даражани август ойида кунига 0,648 миллион баррелга оширишни давом эттиришга қарор қилинган. Қозоғистоннинг август ойидаги мажбуриятлари кунига 1,706 млн баррелни ташкил қилади.

Қозоғистонда ишлаб чиқарилган хом нефтнинг аксарият қисми экспорт қилинди. Шундай қилиб, 2022 йилнинг январ-апрел ойларида 25,3 миллион тонна қазиб олиниб, шундан 24,4 миллион тоннаси экспорт қилинди, бу ўтган йилнинг шу даврига нисбатан 12,2 фоизга кўпдир. Ички бозорда сотиш ҳажми 2 баравардан кўпроққа қисқариб, 1 миллион тоннани ташкил этди.

Шу билан бирга, январ-май ойларида 30,2 миллион тонна хом нефт ва битумли минераллардан олинган хом нефт маҳсулотлари экспорт қилинди, бу 2021 йилнинг январ-май ойларига нисбатан 12,1 фоизга кўпдир. Италияга 8,3 миллион тонна, Нидерландияга 3,3 миллион тонна, Жанубий Кореяга 2,5 миллион тонна ва Хитойга 2,2 миллион тонна жўнатилди.

Битумли минераллардан олинган хом нефт ва хом нефт маҳсулотларини етказиб бериш бўйича экспорт нархлари январ-май ойларида ўтган йилнинг шу даврига нисбатан 58,4 фоизга ошди. Таққослаш учун: бир йил аввал ўсиш 19,3% эди.

Фото: longislandbusiness.com