Қозоғистон мобил алоқа бозорига янги оператор қўшилиши мумкин

ASTANA. Kazinform - «Қазақтелеком»дан битта уяли алоқа бозори олиб ташланади. Бу ҳақда ҚР Рақамли ривожланиш, инновациялар ва аэрокосмик саноат вазири Бағдат Мусин маълум қилди, дея хабар беради Kazinform мухбири.

Бугун Сенат ялпи мажлисидан сўнг ўтказилган матбуот анжуманида журналистлар вазирдан нима учун уяли алоқа операторлари интернет тарифларини ошираётганини сўради.

«Рақобат муҳити адолатли тарифлар ва сифатли интернетни таъминлашга хизмат қилади. Шунинг учун вазирлик ваколатли орган сифатида тегишли қонунларни тайёрлаши керак. Яъни, ўша қонунларни депутатлар билан муҳокама қилиш, қабул қилиш муҳим. Бу борада адолатли тариф бўлишига ишонаман»

, — деди Б. Мусин.

Унинг сўзларига кўра, ҳозирда фақат иккита оператор мобил алоқа хизматларини таклиф қилмоқда.

«Мен бу масалани Монополиядан чиқариш комиссиясида ҳам кўтарганман. Бозоримизга бошқа операторларни ҳам киритишимиз керак. Шунинг учун биз бу масалани ҳукумат раҳбари даражасида муҳокама қилдик ва «Қазақтелеком» ва «Самруқ-Қазна»дан тегишли чора-тадбирлар тайёрлашни талаб қилдик. Яъни, «Қазақтелеком»дан битта операторни чиқариб, бозор шароитида бошқа тадбиркорларга бериш кераклигини айтяпмиз. Улар шу йўналишда иш олиб бормоқда. Улар келгуси йил бошидаги комиссия йиғилишида ўз ишлари бўйича ҳисобот беради»

, — деди вазир.

Муаллиф: Руслан Ғаббасов