Валюталар курси:
    usd/kzt 425.37 eur/kzt 492.66

    rub/kzt 5.97 cny/kzt 66.15
Об-ҳаво маълумотлари:
Нур-Султон : 5 °С
Алматы: 12 °С

Қозоғистон Миллий банки раиси Президентга инфляциянинг бу йилги прогнози ҳақида ҳисобот берди

10 Сентябрь 19:17

NUR-SULTAN. Kazinform – Қозоғистон Президенти Қасим -Жомарт Тоқаев Миллий банк раиси Ерболат Досаевни қабул қилди, деб хабар беради Ақорда.

Давлат раҳбари Миллий банк раисининг жорий йилнинг 8 ойидаги пул -кредит сиёсатини амалга оширишнинг дастлабки натижалари, шунингдек, жаҳон иқтисодиётининг тикланиши даврида инфляцион хавфларнинг ошиши ҳақидаги ҳисоботини тинглади.

Президентга Ҳукумат томонидан тасдиқланган инфляцияга қарши чора-тадбирлар ва уни амалга оширишнинг асосий йўналишлари ҳамда жорий йил учун инфляциянинг янгиланган прогнозлари тўғрисида маълумот берилди.

Шунингдек, Қасим-Жомарт Тоқаевга Қозоғистонда даромадлар ва истеъмолнинг ўсишига, Президентнинг инқирозга қарши ташаббусларини амалга оширишга ёрдам берадиган иқтисодий фаоллик ошгани ҳақида маълумот берилди.

Бундан ташқари, Президентга жорий йилнинг 8 ойи давомида Қозоғистон ялпи халқаро захиралари 93,7 миллиард долларга ва Миллий жамғарманинг инвестицион даромади 2,3 миллиард долларга ошгани ҳақидаги дастлабки маълумотлар тақдим этилди.

Учрашув якунлари бўйича Қасим-Жомарт Тоқаев халқаро бозорлардаги ўзгарувчанлик шароитида инфляциянинг монетар бўлмаган омилларини камайтириш ва молиявий барқарорликни таъминлашга эътибор қаратишни топширди.

Новости по теме