Қозоғистон меҳнат бозорига ҳар йил 300 минг ёш мутахассислар кириб келади - Сенати раиси
26 Май 17:15

Қозоғистон меҳнат бозорига ҳар йил 300 минг ёш мутахассислар кириб келади - Сенати раиси

NUR-SULTAN. Кazinform - Парламент Сенати раиси Маулен Ашимбаев меҳнат бозори, ОТМ ва коллеж битирувчиларининг малакаси масаласини кўтарди, деб хабар беради Кazinform.

«Мамлакатимизда ёшларнинг ишсизлиги муаммоси унчалик кескин эмас, чунки 90 йилларда демография секинлашган эди. Турли муаммолар, инқирозлар бўлди, кам бола туғилди. Аммо 2000 йиллардан бери вазият ўзгарди ва туғилиш даражаси ҳамон ўсиб бормоқда. Масалан, яқин йилларда меҳнат бозорига ҳар йили 300-350 минг нафар ёшлар кириб келади. Бу кўрсаткич ўсишда давом этади. Яъни, биз яқин 20-30 йил ичида бу босимни доимо ҳис қиламиз. 2003 йилда 247 минг бола туғилган бўлса, ўтган йили 446 минг бола туғилди. Ҳозирнинг ўзида икки баробар кўп ва 20 йилдан кейин улар меҳнат бозорига киришади. Шунга кўра, биз яқин йилларда болалар ва ёшларнинг меҳнат бозорига кириб келишини башорат қилишимиз ва уларни тегишли бандлик билан таъминлашимиз керак», — деди Маулен Ашимбаев Сенатнинг бугунги йиғилишида.

Шу билан бирга, Сенат Раиси масаланинг иккинчи қисми ёшларнинг малакасига боғлиқлигини таъкидлади.

« Иқтисодий ҳамкорлик ва тараққиёт ташкилоти (ИҲТТ) мамлакатлари, Жаҳон банки ва бошқа ташкилотлар экспертлари томонидан олиб борилган тадқиқотлар мавжуд. Мактаб ҳақида гапирмаса ҳам, ОТМ ва коллеж битирувчиларининг малакаси сезиларли даражада паст эканлигини, очиғини айтганда, улар ИҲТТ мамлакатлари битирувчилари билан рақобатбардош эмаслигини кўрамиз. ОТМни тамомлаган ёшлар энди малакали иш топа олмайди. Кейин қаерга боради? Бозорга, қурилишга, ўзини ўзи таъминлашга боради. Биз, биринчи навбатда, битирувчиларимиз ва ёшларнинг малакасини оширишимиз лозим, токи ёшлар сифатли иш ўринларига эга бўлиши керак. Тегишли меҳнат ва таълим сиёсатини режалаштириш ва амалга оширишда ёшлар мустақил ишламаслиги ва сифатли ишга жойлашиши учун ОТМ ва коллеж битирувчиларининг малакасини оширишимиз керак», — деди Маулен Ашимбаев.

Эслатиб ўтамиз, Сенатда 2025 йилгача аҳоли даромадларини ошириш бўйича комплекс режа муҳокама қилинмоқда.


Ўхшаш янгиликлар

Янгиликлар

Архив