15:04, 12 Декабр 2022 | GMT +6
Қозоғистон қишлоқ хўжалиги кооперациясига 1 триллион тенге ажратади
ASTANA. Kazinform - Келгуси йилда Қозоғистонда қишлоқ хўжалиги кооперациясига 1 триллион тенге ажратилади. Бу ҳақда Қозоғистон Республикаси Президенти Қасим-Жомарт Тоқаев Ҳукуматнинг кенгайтирилган йиғилишида маълум қилди, дея хабар бермоқда Kazinform мухбири.
«Агросаноат комплексини ривожлантириш миллий лойиҳасидаги режалар бажарилмаяпти. Масалан, қишлоқ хўжалиги маҳсулотларини қайта ишлаш билан боғлиқ 65 лойиҳани амалга ошириш режалаштирилган. Дарҳақиқат, улардан атиги 31 таси ишга туширилган. Худди шундай 7 паррандачилик фабрикаси ўрнига 3 та завод қурилди. Балиқ етиштириш бўйича 11 лойиҳадан атиги еттитаси фойдаланишга топширилди», – деди Давлат раҳбари.
Президент таъкидлаганидек, мамлакатимизни асосий озиқ-овқат маҳсулотлари билан тўлиқ таъминлаш мақсадида ҳукумат режалаштирилган барча лойиҳаларни амалга ошириши шарт.
«Келгуси йилда қишлоқ хўжалиги кооперациясини ривожлантириш бўйича кенг кўламли лойиҳани бошлаймиз. Унга 1 триллион тенге ажратилади. Бу лойиҳа 1 миллион қишлоқ аҳолисини қамраб олади»
, - деди Қасим-Жомарт Тоқаев.
Муаллиф: Есимжан Нақтибай