Қозоғистон илк бор стол тенниси бўйича жаҳон чемпионати совриндори бўлади

ASTANA. Kazinform - Қозоғистонлик Алан Қурманғалиев Тунисда стол тенниси бўйича ўсмирлар ўртасидаги жаҳон чемпионати совриндори бўлади, деб хабар бермоқда Kazinform мухбири.

Қарағандилик А.Қурманғалиев (мураббийи Элмира Алиева) мисрлик Хана Года билан биргаликда аралаш жуфтлик баҳсларида ярим финалга чиқди.

Шу тариқа, Қозоғистон-Миср жуфтлиги камида бронза медалини қўлга киритадиган бўлди. Улар 1/8 финалда пуэрто-риколик Энрике Риос ва бразилиялик Сенага Ширайни мағлуб этишди. Чорак финалда эса французлар Натан Лам – Гаэтана Блэдани мағлуб этишди.

Шу тариқа, А.Қурманғалиев Қозоғистон стол тенниси тарихида илк бор жаҳон чемпионати совриндорлари қаторидан жой олади.

Ярим финал баҳслари 8 декабрдан 9 декабрга ўтар кечаси бўлиб ўтади. Шу билан бирга, А.Қурманғалиев яккалик баҳсларида ҳам иштирок этади.

Муаллиф: Ғайса-Ғали Сейтақ