Қозоғистон иқтисодиёти ижобий ўсиш зонасига кирди
«Жорий йилнинг иккинчи чорагидан бошлаб миллий иқтисодиёт ижобий ўсиш зонасига кирди, 5 ой якунлари бўйича ЯИМ ўсиш суръати 1,6 фоизни ташкил этди. Қайта тикланишга хизмат кўрсатиш соҳасининг жонланиши, иқтисодиётнинг қазиб чиқарилмайдиган соҳаларида юқори инвестиция фаоллигини сақлаб қолиш таъсир қилди», - деди Ақилжан Баймағамбетов Қозоғистон Республикаси Парламенти Сенатининг ялпи мажлисида.
2020 йилда ишбилармонлик фаолиятининг сақланиши ва 2021 йилда иқтисодиётнинг тикланиши мавжуд шароитларга мос келадиган пул-кредит сиёсатини олиб борган Ҳукумат ва Миллий банкнинг мувофиқлаштирилган ҳаракатлари туфайли таъминланганлиги таъкидланди.
«2020 йилда нархлар барқарорлигини таъминлаш доирасида Давлат раҳбарининг топшириғига биноан инфляция 8-8,5 фоиз даражасида сақланиб, 7,5 фоизни ташкил этди», - дея қўшимча қилди Ақилжон Баймағамбетов.
Эълон қилинган маълумотларга кўра, инфляция ўсишига 2020 йилда Қозоғистонда фавқулодда ҳолат ва карантин чоралари шароитида етказиб бериш соҳасидаги узилишлар натижасида озиқ-овқат нархларининг 11,3 фоизга қимматлаши катта ҳисса қўшди ва асосий савдо шериклари бўлган мамлакатларда, шунингдек товарларнинг айрим гуруҳларига бўлган талабнинг ошиши сабаб бўлди. Инфляция таркибида ноозиқ-овқат маҳсулотлари 2020 йилда 5,5 фоизга, пуллик хизматлар 4,2 фоизга қимматлашди.
Бундан олдин Қозоғистонда коронавирус инқирози шароитида Миллий жамғарма трансфертлари кўпайгани ҳақида хабар берилган эди.