Қозоғистон хориждаги ватандошларни қабул қилиш механизмини қайта кўриб чиқади

ASTANA. Kazinform – Қозоғистонда хорижда яшовчи этник қозоқларга 10 йиллик соддалаштирилган виза ва Қозоғистонда ўз бизнесини юритиш имконияти берилади. Бу ҳақда ҚР Меҳнат ва аҳолини ижтимоий муҳофаза қилиш вазири Тамара Дуйсенова Қозоғистон Республикаси Ижтимоий кодекси лойиҳаси тақдимоти чоғида маълум қилди, деб хабар беради Kazinform мухбири.

«Хорижда яшовчи этник қозоқлар салоҳиятидан фойдаланиш учун Атамекен картасини (АҚШнинг грин картасига ўхшаш) жорий этиш тавсия этилади. У ўз истиқомат қилган мамлакатларида бизнесни муваффақиятли амалга оширган ва уни Қозоғистонга кўчиришни истаган юқори даражадаги мутахассислар ёки этник қозоқларга берилади. Бундай фуқаролар Қозоғистонда яшаш ва 10 йилгача муддатга соддалаштирилган виза бериш орқали ўз бизнесини юритиш имкониятига эга бўладилар»

, — деди Т.Дуйсенова.

Бундан ташқари, вазир ватандошларни қабул қилиш тартиби қайта кўриб чиқилишини айтди.

«Мамлакатнинг демографик ва иқтисодий тенденцияларини инобатга олган ҳолда, ҳужжатларни қабул қилишнинг дастлабки босқичида муҳожирларни аҳоли пунктларига кўчиришни қўшимча рағбатлантириш билан кўчириш сиёсатини тубдан ислоҳ қилиш тавсия этилади»

, — деди вазир.

Муаллиф: Руслан Ғаббасов