+7 (701) 759 90 19
USD 425.37 EUR 492.66
RUB 5.97 CNY 66.15
Янгиликлар

Қозоғистон GovTech рақамлаштиришнинг платформа моделига ўтади

3 Сентябрь 20:15
Баҳам кўринг:
Қозоғистон GovTech рақамлаштиришнинг платформа моделига ўтади

NUR-SULTAN. Kazinform - Қозоғистон Бош вазири Aсқар Мамин ва СБЕР компаниялар гуруҳи раҳбари Герман Греф Қозоғистон Республикасини рақамли трансформация қилиш лойиҳаларини амалга ошириш, рақамлаштиришнинг платформа моделига ва «Data-Driven Government» концепциясига ўтиш бўйича ҳамкорлик меморандумини имзолади.

Қозоғистон Ҳукумати матбуот хизмати нинг хабар беришича, ҳужжатларни имзолаш маросими Қозоғистон Президенти Қасим-Жомарт Тоқаев ва Россия Президенти Владимир Путин иштирокида видеоконференция форматида ўтказилди, деб хабар беради Kazinform.

Ҳужжатда Қозоғистонда давлат бошқаруви реинжиниринги ва рақамли трансформация соҳасидаги ҳамкорликни ривожлантиришнинг асосий ёндашувлари, жумладан, GovTech рақамли платформасини жорий этиш, маълумотларни таҳлил қилиш ва сунъий интеллект амалиёти кўрсатилган.

Рақамли архитектуранинг платформали модели давлат хизматларининг тезлиги ва самарадорлигини оширишга имкон беради.

«Бу лойиҳа мамлакатларимиз ўртасидаги ўзаро ишончнинг яна бир белгисидир. Бизнинг бозорда 15 йилдан ортиқ муваффақиятли фаолият кўрсатаётган СБЕР Қозоғистон давлат технологиясининг институционал асосини шакллантиришга, Қозоғистон ва Россия ўртасидаги интеллектуал технология каби муҳим соҳадаги ҳамкорликни кенгайтиришга ҳисса қўшади. Aслида, бу жуда муҳим қадам «,-деди Қозоғистон Республикаси Президенти Қасим-Жомарт Тоқаев.

Президент ушбу стратегик лойиҳани амалга ошириш Қозоғистон фуқароларининг ҳаёт сифатини яхшилаш ва ишбилармонлик муҳитини яхшилашга ёрдам беришини таъкидлади.

Россия президенти Владимир Путин ўз нутқида Қозоғистон ҳукумати ва СБЕР компаниялар гуруҳи ўртасида ҳужжатнинг имзоланиши икки мамлакат ўртасидаги барча соҳаларда, жумладан, рақамлаштириш соҳасидаги ҳамкорликнинг юқори даражасидан яна бир далил эканлигини таъкидлади.


Баҳам кўринг:
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив