Қозоғистон Францияга қандай товарлар экспорт қилади

ASTANA. Кazinform – Қозоғистон ва Франция ўртасидаги товар айирбошлаш 2022 йилнинг январ-сентябр ойларида 2,5 миллиард долларни ташкил қилди. Ўтган йилнинг шу даврида бу кўрсаткич 2,3 миллиард долларни ташкил қилган эди. Бу ҳақда Kazinform Миллий иқтисодиёт вазирлигига таяниб хабар беради.

2022 йилнинг январ-сентябр ойларида Қозоғистондан Францияга экспорт 5 фоизга ошиб, 1,9 миллиард долларни ташкил этди.

Қозоғистондан Францияга экспорт қилинадиган асосий товарлар: хом нефт – 1,7 миллиард доллар (улуши 89,8 фоиз), уран – 146,5 миллион доллар (7,6 фоиз), титан ва ундан тайёрланган маҳсулотлар – 28 миллион доллар (1,5 фоиз), олтингугурт – 10,2 миллион доллар (0,53 фоиз), водород, инерт газлар ва бошқа нометалллар - 1,9 млн доллар (0,1 фоиз), электр моторлар ва генераторлар - 1,3 млн доллар (0,07 фоиз).

2022 йилнинг январ-сентябр ойларида Франциядан Қозоғистонга импорт 8,1 фоизга ошиб, 512,6 миллион долларни ташкил қилди.

Франциядан Қозоғистонга олиб келинган асосий товарлар: вакциналар, қон зардоби, қон – 40,5 миллион доллар (улуши 7,9 фоиз), турбореактив ва турбовинтли двигателлар, бошқа газ турбиналари – 36,9 миллион доллар (7,2 фоиз), чакана савдо учун қадоқланган дори воситалари – 36,7 миллион доллар. (7,2 фоиз), кўмир электродлари – 22,4 миллион доллар (4,4 фоиз), радар, радионавигация ускуналари – 17,1 миллион доллар (3,3 фоиз), электр трансформаторлар – 15,1 миллион доллар (2,9 фоиз), таъм берувчи қўшимчалар – 12,7 миллион доллар (2,5 фоиз), гербицидлар - 11,9 млн доллар (2,3 фоиз).