Қозоғистон Европа Иттифоқига озиқ-овқат экспорт қилиш бўйича музокаралар олиб бормоқда

ASTANA. Kazinform – Қозоғистон Европа Иттифоқи мамлакатларига озиқ-овқат экспорти бўйича музокаралар олиб бормоқда. Бу ҳақда ҚР Савдо ва интеграция вазири ўринбосари Қайрат Тўребаев маълум қилди, дея хабар беради Kazinform мухбири.

«Маҳаллий экспортчилар учун янги имкониятлар очиш бўйича тизимли ишларни давом эттирамиз. Масалан, март ойида Европа Комиссияси билан музокаралар якунида балиқ маҳсулотлари экспортини жонлантириш бўйича келишувга эришилди. Асал, гўшт маҳсулотлари, парранда гўшти ва тухум экспорти бўйича музокаралар жараёни бошланди», – деди у Марказий коммуникациялар хизматида бўлиб ўтган матбуот анжуманида.

Вазир ўринбосарининг айтишича, Тожикистон Президентининг мамлакатга ташрифи доирасида умумий қиймати 1,8 миллиард доллардан ортиқ бўлган 39 та тижорат битими тузилган. Улар орасида Тожикистон бозорига 155 миллион долларга қайта ишланган хомашё етказиб бериш режалаштирилган. Бундан ташқари, Саудия Арабистони бозорига экспорт қилиш имкониятига эга бўлган компаниялар рўйхатини кенгайтириш ишлари давом этяпти. Бу мамлакат асосан гўшт ва асал билан таъминланади.

«Яқинда Хитойга ловия ва ясмиқ, кунгабоқар, софора, соя ва зиғир маҳсулотларини экспорт қилиш бўйича протоколлар имзоланди. Совутилган гўшт, парранда гўшти ва қўшимча маҳсулотлар, от гўшти каби маҳсулотларни экспорт қилишни йўлга қўйиш бўйича музокаралар олиб бориляпти», – дейди Қайрат Тўребаев.

Муаллиф: Марлан Жиембай