Қозоғистон ЕОИИ шартларини бажаришга тайёр – ҚР Президенти

ASTANA. Kazinform – ҚР Президенти Қасим-Жомарт Тоқаев Евроосиё иқтисодий иттифоқини ривожлантиришнинг янги устувор йўналишларини белгилаш зарурлиги ҳақида айтди, деб хабар беради Kazinform.

«Албатта, ҳар қандай ҳолатда ҳам нафақат долзарб масалалар билан шуғулланиш, балки келгусидаги ишларни ҳам режалаштириш зарур. Шунингдек, атрофдаги вазиятнинг ўзгаришига жиддий муносабат билдириш керак. Буларнинг барчаси мустаҳкам пойдеворга асосланган бўлиши керак, пойдевор қанчалик мустаҳкам бўлса, бино кучлироқ бўлади. Бизнинг иттифоқимизнинг асоси нима? Иттифоқ шартномасини тўлиқ амалга ошириш асосий элемент бўлган ва шундай бўлиб қолади. Яна бир бор айтмоқчиманки, Қозоғистон 2015 йилги келишув асосида интеграцияга тайёр», – деди Қасим-Жомарт Тоқаев «Кўп қутбли дунёда Евроосиё интеграцияси» мавзусидаги Евроосиё иқтисодий форумида.

Яъни, Президент инфратузилма объектларидан камситишларсиз фойдаланиш, адолатли рақобат, тенглик ва миллий манфаатларни ҳисобга олиш каби тўртта эркинлик ва асосий тамойилларни ҳаётга татбиқ этиш биргаликдаги ишнинг асосий тамойиллари эканини алоҳида таъкидлади.

«Қозоғистон бу тамойилларни илгари суради. Ўйлайманки, биргаликдаги ишимизнинг келажаги яхши. Албатта, бу масалаларнинг барчаси жуда эҳтиёткорлик билан эътиборни талаб қилади», – деди ҚР Президенти.

Эслатиб ўтамиз, Қасим-Жомарт Тоқаев Олий Евроосиё иқтисодий кенгаши йиғилишида иштирок этиш учун Москвага жўнаб кетган эди.