Қозоғистон бюджетига ярим йилда 7,15 трлн тенге солиқ тушди

NUR-SULTAN. Кazinform – 2022 йилнинг биринчи ярмида давлат бюджетига солиқ тушумлари режаси 106,4 фоизга бажарилиб, 7,15 трлн тенге ундирилди. Бу ҳақда ҚР Молия вазири ўринбосари Ержан Биржанов раислигида Давлат даромадлари қўмитасининг ҳайъат йиғилишида маълум қилинди.

Йиғилишда республика давлат даромадлари органларининг жорий йилнинг биринчи ярмида амалга оширган ишлари сарҳисоб қилиниб, иккинчи ярим йилликдаги вазифалар белгилаб олинди ва вазифалар берилди. Видеоконференция шаклида ўтказилган ҳайъат йиғилишида ҳудудий давлат даромадлари бошқармалари раҳбарлари иштирок этди.

«2022 йилнинг биринчи ярмида давлат бюджетига солиқ тушумлари режаси 106,4 фоизга бажарилиб, 7,15 трлн тенге тушди.Ўтган йилнинг мос даврига нисбатан давлат бюджетига солиқ тушумлари 2,3 трлн тенгега,яъни 1,5 баробарга ошди», — дейилади хабарда.

Қўмита маълумотларига кўра, 567,2 млрд тенге миқдорида қўшимча заҳира тушумлари тақдим этилди. Палата назорати ва солиқ текшируви самарадорлиги 162,7 млрд тенгега ошди.

«2022 йилнинг 1-ярим йиллигида давлат даромадлари органлари томонидан солиқ ва божхона йўналиши бўйича 9,9 млн тенге давлат хизматларини, шу жумладан, 99 фоизини электрон шаклда кўрсатди. Ўтган йилнинг шу даврига нисбатан электрон товарлар сони 1,9 фоизга ошди. Шунингдек, давлат даромадлари органларининг алоқа марказига маслаҳат сўраб мурожаат қилган фуқароларнинг 97 фоизи операторлар ишига ижобий баҳо берди», — дейилади қўмитахабарида.

Ҳайъат йиғилиши якунларига кўра, ҳудудий бошқармаларга коррупцияга қарши курашиш, бюджетга солиқ ва божхона тушумлари режасини бажариш, шунингдек, қўшимча захира тушумларини таъминлаш юзасидан ишларни давом эттириш бўйича топшириқлар берилди.