Қозоғистон Буюк Британияга экспорт ҳажмини икки ярим миллиард долларга етказади
«30 йилдан ортиқ ўзаро ҳамкорлик даврида Буюк Британия иқтисодиётимизга 16 миллиард доллардан ортиқ сармоя киритди. Бу борада Буюк Британия Қозоғистоннинг асосий савдо-иқтисодий шерикларидан бири бўлиб қолмоқда. Айни пайтда Қозоғистон бозорида Британия капитали иштирокидаги 550 га яқин компания ишламоқда. Қозоғистон ва Буюк Британия ўртасидаги стратегик шериклик уфқларини кенгайтириш учун катта салоҳият мавжудлигини эълон қилишдан мамнунман», — деди ҚР Ташқи ишлар вазири ўринбосари Роман Василенко.
Вазир ўринбосарининг сўзларига кўра, Британия томони хомашёни қайта ишлаш, яшил энергия, углерод нейтраллигини ривожлантириш ва бошқа истиқболли йўналишлардан манфаатдор.
«Ўз навбатида Қозоғистон Британия бозорига экспорт ҳажмини 750 миллион доллардан кўпроққа ошириш ниятида. Ўзаро товар айирбошлаш ҳажми йилдан-йилга ортиб бормоқда. 2021 йилдан бошлаб у 58,7 фоизга ошса, ўтган йили эса унинг умумий ҳажми 1,8 миллиард долларга етди», – дейди Р. Василенко.
Муаллиф: Даулет Изтилеу