Валюталар курси:
    usd/kzt 476.18 eur/kzt 485.56

    rub/kzt 7.76 cny/kzt 70.34
Об-ҳаво маълумотлари:
Нур-Султон : 1 °С
Алматы: 15 °С

Қозоғистон Бош вазири ЕТТБ вице-президенти билан музокаралар ўтказди

15 Март 20:01

NUR-SULTAN. Kazinform – Қозоғистон Бош вазири Алихан Смаилов Европа тикланиш ва тараққиёт банкининг банк операциялари бўйича вице-президенти Алан Пию билан учрашди, дея хабар беради Kazinform primeminister.kz сайтига ҳавола билан.

Суҳбат чоғида Қозоғистон ва ЕТТБ ўртасидаги ҳамкорликни қатор йўналишлар, жумладан, сармоя киритиш ва экология масалалари бўйича қўшма лойиҳаларни амалга оширишни ривожлантириш масалалари муҳокама қилинди. Хусусан, томонлар ЕТТБнинг 2021 йилдаги Қозоғистондаги фаолияти якунлари ва 2022 йилга мўлжалланган жорий режаларни муҳокама қилдилар.

Қозоғистон Ҳукумати ва бизнеси ЕТТБ билан инфратузилма лойиҳалари, молия, муниципал ва корпоратив секторлар орқали кичик ва ўрта бизнесни қўллаб-қувватлаш мақсадида фаол ҳамкорлик қилмоқда.

«Биз ЕТТБ билан ҳамкорликнинг стратегик хусусиятини юқори баҳолаймиз. Бу йил Қозоғистон ва ЕТТБ ҳамкорлигининг 30 йиллиги нишонланмоқда. Шу давр мобайнида иқтисодиётнинг турли тармоқларида умумий қиймати 10 миллиард доллардан ортиқ бўлган 300 га яқин лойиҳани муваффақиятли амалга оширдик», — деди Алихан Смаилов.

Ўзаро ҳамкорлик ЕТТБнинг Қозоғистон учун 2022-2026 йилларга мўлжалланган янги Ҳамкорлик стратегияси доирасида давом этади. Ҳужжат томонларнинг хусусий тадбиркорликнинг рақобатбардошлигини ошириш, яшил сиёсат ва углерод нейтраллигини қўллаб-қувватлаш, шунингдек, хусусий сектор иштироки орқали иқтисодий интеграция ва гендер тенглигини рағбатлантириш каби масалалар бўйича ўзаро ҳамкорлигини қамраб олади.

«Бугунги кунда дунёнинг энг йирик иқтисодиётларида карбонсизланишнинг барқарор тенденцияси кузатилмоқда. Углерод нейтраллиги ва кўмирдан воз кечиш мақсадини эълон қилган мамлакатлар сони йил сайин ортиб бормоқда. «Қозоғистон ҳам «яшил« ривожланишнинг глобал тенденцияларини фаол кузатиб боради», - деди Бош вазир.

Ўз навбатида Алан Пию Қозоғистонда амалга оширилаётган ислоҳотларни юқори баҳолади ва кўплаб масалалар бўйича икки томонлама ҳамкорликни кенгайтиришдан манфаатдор эканлигини билдирди.

Новости по теме
Ўхшаш янгиликлар