Қозоғистон БМТни Мажилис сайловини мониторинг қилишга таклиф этди
«Ўтган йили Президент Қасим-Жомарт Тоқаев мамлакатни янада ривожлантириш учун янги ижтимоий-иқтисодий асос яратувчи қатор муҳим ташаббусларни эълон қилди. Янги Қозоғистонни яратиш доирасида биз инклюзив иқтисодий ўсишни яратишимиз, сиёсий ислоҳотларни амалга оширишимиз, макроиқтисодий барқарорликни кафолатлашимиз ва тадбиркорликни ривожлантиришимиз керак. Ўтган йилнинг ноябрь ойида бўлиб ўтган президентлик сайлови муваффақиятли ўтганидан сўнг, биз кейинги ҳафта – 19 март куни парламент сайловига яқинлашмоқдамиз. Шу боис сизларни бўлажак сайловни кузатишда фаол иштирок этишга таклиф қиламиз», - деди Қайрат Омаров пойтахтда «Бирлашган Миллатлар Ташкилотининг Қозоғистонда фаолият юритаётганига 30 йил ва БМТнинг 2021-2025 йилларга мўлжалланган Барқарор ривожланиш бўйича ҳамкорлик доирасида бошқарув қўмитасининг 30 йиллиги» мавзусидаги тадбирда.
Муаллиф: Марлан Жиембай