Қозоғистон биринчи марта АрМИ «Меридиан» танловининг ташкилотчиси сифатида иштирок этмоқда
12 Август 20:13

Қозоғистон биринчи марта АрМИ «Меридиан» танловининг ташкилотчиси сифатида иштирок этмоқда

SHUSHINSK. Kazinform - Ақмола вилояти Шчучинск шаҳрида Халқаро армия ўйинлари доирасида топографик суратга олиш бўйича мусобақаларига қуръа ташлаш маросими бўлиб ўтди, дея хабар беради Kazinform ҚР Мудофаа вазирлиги матбуот хизматига таяниб.

Унинг натижаларига кўра жамоалар қуйидаги тартибда чиқишади: Вьетнам, Ўзбекистон, Хитой, Беларусь, Россия, Арманистон ва Қозоғистон. Венесуэла ушбу танловда кузатувчи сифатида эълон қилинган.

Мандат комиссиясининг йиғилиши ҳам бўлиб ўтди. Мусобақа иштирокчи-давлатлари тақдимоти ва хавфсизлик қоидалари бўйича брифинг ўтказилди.

– Ҳарбий топографлар танлови мамлакатимиз ҳудудида илк бор ўтказилади. Паст тоғли, паст-адирли ва текис рельефларнинг мавжудлиги уларни ташкил қилиш учун ажойиб шароит яратади. Ҳаммамиз рақобатга тайёрмиз. Қуръа ташлаш маросими бўлиб ўтди, Халқаро армия ўйинларининг расмий очилишидан сўнг топографик ва геодезик ҳисоб-китоблар танлови бошланади «, - дея тушунтирди Қозоғистон Қуролли Кучлари Бош штабининг геоахборот таъминоти бошқармаси бошлиғи, полковник Серик Жолдибаев.

Танлов уч босқичдан иборат: «Ўқ отиш чизиғи», «Азимут» ва «Топографик майдон». Ўқ отиш бўйича мусобақа ғолиби тўпланган баллар йиғиндисига кўра аниқланади. Иккинчи босқичда топографларнинг тайёргарлик даражаси махсус вазифаларни бажариш тезлиги ва маълум бир маршрут бўйлаб барча назорат пунктларининг ўтишини белгилаш билан баҳоланади.

«Топографик майдон» мусобақани якунлайди. Ҳарбий хизматчилар бир қатор махсус вазифаларни бажаришлари керак: осилган полигонометрик ўтиш жойини ётқизиш, турли тўсиқларни енгиб ўтиш ва махсус асбоблар ёрдамида объектларнинг географик координаталарини аниқлаш.

Фото: gov.kz


Ўхшаш янгиликлар

Янгиликлар

Архив