Қозоғистон ҳарбий қудрат бўйича жаҳон рейтингида 145 давлат орасида 63-ўринни эгаллади

ASTANA. Kazinform – Қозоғистон ҳарбий қудрати бўйича 145 давлат орасида 63-ўринни эгаллади, деб хабар бермоқда Kazinform мухбири.

Finprom.kz портали маълумотларига кўра, Қозоғистон Global Firepower ҳарбий қудрати рейтингида 145 давлат орасида 63-ўринни эгаллаган. Мамлакат индекси 1,0873. Кўрсаткич қанчалик баланд бўлса, давлатнинг ҳарбий кучи шунчалик юқори бўлади.

Рейтинг мутахассислари 60 хил омилни баҳолайдилар. У мудофаа харажатлари даражаси, техника ва қурилмалар арсенали, армия ҳажми, танклар, кемалар, самолётлар ва бошқа ҳарбий техникалар сони, нефть, кўмир ва бошқа ресурслардан фойдаланиш имкониятини ўз ичига олади. Шу билан бирга, бу сафар ядро қуролининг мавжудлиги ҳисобга олинмади.

Рейтингга кўра, энг юқори ҳарбий кучга эга давлатлар АҚШ, Россия ва Хитой ҳисобланади. Бутан эса рейтингнинг энг охирида жойлашган.

Global Firepower экспертларининг маълумотларига кўра, ҚР авиациясида 237 та самолёт, шу жумладан 75 та жанговар вертолёт мавжуд. Мамлакат қуруқликдаги кучлари таркибига 300 та танк, 5200 та зирҳли транспортёр, 246 та ўзиюрар артиллерия мосламаси, 456 та тортмали артиллерия бирлиги ва 407 та ракета тизими киради.

Ҳарбий хизматчиларнинг умумий сони 77 минг нафарни ташкил этади, шундан 45 минг нафари фаол ҳарбий хизматчилар, 32 минг нафари ҳарбийлаштирилган тузилмаларга тегишли.

Муаллиф: Марлан Жиембай