16:19, 10 Июн 2022 | GMT +6
Қозоғистон Ҳарбий доктринасига қатор ўзгартиришлар киритилади
NUR-SULTAN. Kazinform – Қозоғистон Республикасининг Ҳарбий доктринасига йил охиригача ўзгартиришлар киритилади, дея хабар беради Kazinform Мудофаа вазирлигига таяниб.
«ҚР Мудофаа вазирлиги ҚР Президентининг «Қозоғистон Республикаси Президентининг 2017 йил 29 сентабрдаги 554-сонли «Қозоғистон Республикасининг Ҳарбий доктринасини тасдиқлаш тўғрисида»ги фармонига ўзгартиришлар киритиш тўғрисида»ги қарори лойиҳасини ишлаб чиқди. Президент топшириғига кўра, тегишли давлат органлари билан биргаликда асосий ҳужжатни янги воқеликка мослаштиришга қаратилган амалдаги Ҳарбий доктринани қайта кўриб чиқиш бошланди. Ҳужжатга ўзгартиришлар киритиш жорий йил охиригача якунланиши режалаштирилган», — дейилади хабарда.