Қостанайда йил охиригача 36 мингта транспорт ишлаб чиқарилади

ҚОСТАНАЙ. Kazinform - Қостанай вилоятида ҳозиргача 47 мингга яқин автомобил йиғилган. Қостанай ҳокимининг ўринбосари Ерлан Қойшибаев ана шундай рақамларни келтирди, деб хабар беради Kazinform мухбири.

Вилоятда машинасозлик кўламини янада орттириш чора-тадбирлари кўрилмоқда. Авваллари фақатгина махсус қишлоқ хўжалиги техникаси ва комбайн ишлаб чиқарган вилоятда 2010 йилда янги автомобилсозлик цехи қурилди. Бугунги кунда Қостанайдаги «Сарыарқа АвтоПром» МЧЖда 9 хил авторусумнинг (Peugeot, Iveco, Hyundai, JAC, Chevrolet Niva, Ravon, MAN, Ankai) 50-дан зиёд модели йиғилмоқда.«Ҳозирги кунга қадар Қостанайда 47 мингта автомобиль ишлаб чиқарилди. 2018 йилда 12 мингдан зиёд транспорт, шу йилнинг 4 ойида 5,3 мингта транспорт сотувга чиқарилди. Эндиликда эса ишлаб чиқариш қувватлари кескин орттирилади ва режага кўра йил охиригача яна 36 мингта автомобил ишлаб чиқаришимиз лозим», - деди Ерлан Қойшибаев.Шу йилнинг май ойида Қостанай шаҳри ҳокимлиги Хитойнинг СМС ва JAC компаниялари билан шартнома имзолади. Унга кўра яқин 10 йил ичида машинасозлик соҳасига 1,1 млрд АҚШ доллари атрофида инвестиция киритилади.Эслатиб ўтамиз, вилоят ҳокими Архимед Мухамбетов корхона ишлаб чиқариш қувватини орттиришга топшириқ берган эди. Унинг айтишича, корхона йилига 100 мингта транспорт воситасини ишлаб чиқариш қувватига эга.Транспорт логистикасининг ривожланиши маҳсулотларни Россия, Тожикистон, Қирғизистон, Беларусь давлатларига экспорт қилиш имконини яратмоқда. Жумладан, 2018 йилда жами 1,2 млрд тангалик 291 автотранспорт экспорт қилинган. Шу йилнинг январь-апрель ойларида эса корхона 287 транспорт возитасини хорижга етказиб бериб, ундан 1,1 млрд танга даромад қилди.