Қостанайда бир йилда 20 мингта автомобиль ишлаб чиқарилди

QOSTANAI. Kazinform – Қостанайда ўтган йилда 20 мингта автотранспорт воситаси йиғилган. Уларнинг бир қисми экспортга юборилди, деб хабар беради Kazinform мухбири вилоят ҳокими матбуот хизматига ҳавола қилиб.

Қостанай вилоятида автомобиль йиғиш саноати катта суръатлар билан ривожланиб келмоқда. «СариарқаАвтоПром» МЧЖ ҳар йил ишлаб чиқариш ҳажмини орттирмоқда. Корхона ишлаб чиқарган автомобилларнинг бир қисми, 1 886 авто Россия, Ўзбекистон, Тожикистон, Қирғизистон, Беларусь мамлакатларига юборилди.

«2019 йилда 20 мингта автомобиль йиғилди. Бу ўтган йилдаги кўрсатгичдан 2 баварар кўпдир. 2018 йилнинг 10 ойида 9 321 авто чиқарилган. Корхона бу йил ишлаб чиқариш ҳажмини 25 мингтага етказишни режалаштирмоқда. Ҳозирда Хитнойнинг СМС (China National Machinery Imp. & Exp. Corp.) ва JAC (Anhui Jianghuai Automobile Group) компанияларининг Аллюр компаниялар гуруҳига кириши ҳақидаги келишувга эришилмоқда. Шунинг натижасида яқин 10 йил ичида инвесторлар соҳа ривожига 1,1 млрд АҚШ доллари миқдорида сармоя киритади. Бу ишлаб чиқариш ҳажмини йилига 80-100 минг автомобилга етказишга имкон яратади», - деди ҳокимлик матбуот котиби Саят Жусипов.

Автомобиль турларини кўпайтириш ҳам корхонанинг муҳим фаолият йўналишларидан биридир. Шунингдек, кўпроқ чет эл бозорларига чиқиш йўллари ўрганилмоқда.

Муаллиф: Қасқирбай Қойшиманов