Коронавируснинг яна бир янги штамми аниқланди
«Ушбу вариант аввалгиларига қараганда юқумлироқ ва вакциналар самарасиз бўлиши мумкин», - деди агентликка берган интервьюсида жанубий африкалик эпидемиолог, профессор Салим Карим.
Жума куни Жаҳон соғлиқни сақлаш ташкилоти экспертлари вазиятни баҳолаш учун Жанубий Aфрика расмийлари билан учрашади. Вируснинг янги версияси юнон алифбосининг бир ҳарфи билан номланиши мумкин («дельта» версияси каби). Эҳтимол, янги штамм «Ню» деб номланиши мумкин.
Пайшанба оқшомида Британия ҳукумати Aфриканинг бир қанча давлатларидан (Жанубий Aфрика, Нимибия, Зимбабве, Ботсвана, Лесото ва Эсватини) ташриф буюрувчиларга мажбурий карантин жорий қилди. Бу мамлакатлардан Британияга парвозлар вақтинча тақиқланган.
Ҳозиргача Жанубий Aфрика, Гонконг ва Ботсванада янги вариантнинг 59 та ҳолати тасдиқланган. Бу биринчи марта Претория ҳудудидаги бир нечта талабалар томонидан аниқланган.