Коронавирусга қарши антитаналар инсон организмида қанча вақт давомида сақланади

NUR-SULTAN. Kazinform – Коронавирус касаллигидан кейин инсон организмида антитаналар қанча вақт сақланиши мумкин? Одамнинг юқумли касалликларга қарши иммунитети қандай ривожланади? Бу ҳақда Kazinform мухбирига берган интервюсида Трансфузиология илмий-ишлаб чиқариш маркази раҳбари, юқори тоифали шифокор-трансфузиолог Сания Абдрахманова гапириб берди.

«Одамнинг юқумли касалликларга қарши иммунитети туғма ва орттирилган бўлиб, улар ўз навбатида специфик ва носпецифик бщлиб бщлинади. Носпецифик (клеткавий) иммунитет тўқима ҳужайралари ва оқсилларнинг - интерферон, цитокинлар, макрофагларнинг ишига асосланади, улар биринчи бўлиб нотаниш агентнинг ҳужумига реакция бериб, унга турли хил таъсир кўрсатиб, касаллик қўзғатувчисининг кўпайишини блокировка қилади. Шунинг учун касалликнинг асемптоматик ёки енгил шаклини бошдан кечирган одамларда антитаналар ривожланмаслиги мумкин, бу носпецифик иммунитетнинг етарли самарадорлигини англатади», - дея тушунтирди Сания Абдрахманова.

Унинг сўзларига кўра, носпецифик иммунитет касалликнинг қўзғатувчисига қарши турмаса, ўзига хос иммунитет механизми ишга туширилади.

«Специфик иммунитет ҳақида. Ўткир даврда (касалликнинг 3-5 кунидан бошлаб) М – IgM антитаналари ишлаб чиқарилади, улар одатда 2-3 ҳафта давомида мавжуд бўлади. 7-9 кундан бошлаб бемор бошқа турдаги антигенларни - IgG антитаналарини ишлаб чиқара бошлайди, унинг мавжудлиги жараённинг сурункали эканлигини кўрсатади. Ўртача 3-ҳафтада IgG ўзининг юқори даражасига этади, шундан сўнг унинг қондаги миқдори камая боради», - деди С.Абдрахманова.

Шунингдек, у инсоннинг вирусга қарши иммунитети қанча вақт туриши мумкинлигини тушунтирди.

«Орттирилган иммунитет абадий эмаслиги билан ажралиб туради. Агар туғма иммунитетимиз кундалик ҳаётимизнинг охиригача бизни одатдаги касалликлардан ҳимоя қилса, орттирилган иммунитет эса вақтинчалик ҳисобланади. SARS-CoV-2 ҳали ҳам етарлича ўрганилмаган. Шунинг учун иммун тизимининг ушбу вирусга қарши қанчалик узоқ муддатли ва бардошли реакцияси бўлиши мумкинлигини ҳали ҳеч ким аниқ айта олмайди», - деди Сания Абдрахманова.