Коронавирусдан соғайганларнинг учдан бири такроран касалхонага ётади, ҳар саккизинчиси ҳалок бўлади
Жон Хопкинс университети маълумотларига кўра, бугунги кунда дунёда 42,7 миллион киши коронавирусдан аъзият чекмоқда: пандемия бошланганидан буён 95 миллиондан ортиқ ҳолатлар рўйхатга олинган, 52,3 миллион бемор тузалиб кетган. Беморларнинг 2,03 миллиондан ортиғи вафот этган.
Британиянинг Лестер университети ва Миллий статистика бюроси томонидан ўтказилган қўшма тадқиқот натижаларига кўра, мамлакат шифохоналаридан чиқарилган коронавирус билан касалланган беморларнинг биринчи тўлқинининг тахминан 30 фоизи беш ой ичида шифохонага такроран мурожаат қилишган.
Тадқиқотчилар 47780 нафар собиқ беморлардан иборат гуруҳни ўрганишди. 140 кун ичида касалхоналарга қайтиб келганларнинг аниқ нисбати 29,4% ни ташкил этди. Шундан 12,3%и вафот этган. Кўпгина беморларда юрак касаллиги, диабет, сурункали жигар ва буйрак касалликлари ривожланган ёки ёмонлашган.
Бу, эҳтимол, коронавирус ўлими статистикасига кўплаб ҳолатларни киритиш кераклигини англатиши мумкин. Бугунги кунда Британияда бемор коронавирус ташхиси қўйилганидан кейин 28 кун ичида вафот этса, у коронавирусдан вафот этди деб хулоса қилинади.
Тадқиқотчилар коронавирусга чалинган одамларни соғлиғини диққат билан кузатиб боришга чақиришади.
«Бу Буюк Британиядаги бундай йирик тадқиқотдир», - дейди унинг муаллифларидан бири, Лестер университети профессори Камлеш Кумли.
«Кўпинча одамлар уйга кетишади, кейинчалик узоқ муддатли аломатлар пайдо бўлиб, кейин касалхоналарга қайтиб келишади, баъзилари вафот этади. Асосий хулоса шуки, биз «узоқ ковид»га тайёргарлик кўришимиз керак«, - деди олим.