Коронавирус: Ўзбекистонда янги антирекорд

TASHKENT. Kazinform – 24 март куни Ўзбекистонда коронавирус билан касалланиш бўйича кунлик кўрсаткич йил бошидан бери рекорд даражага етди, деб хабар беради Kazinform ЎР Соғлиқни сақлаш вазирлиги матбуот хизматига таяниб.

Вазирлик матбуот хизматининг хабар қилишича, 24 март ҳолатига кўра, 138 одам коронавирус юқтирганлиги маълум бўлган. Бу эса йил бошидан бери кузатилган рекорд кўрсаткичдир.

Ўзбекистонда коронавирус инфекцияси жами ҳолатлар сони 81 816 тага етди.

Шундан 80 143 нафари соғайган. Айни пайтда 1049 нафар бемор даволанмоқда.