Коронавирус вакцинаси Қозоғистонда ишлаб чиқарилади – заводнинг тамал тоши қўйилди

QORDAY-NUR-SULTAN. Kazinform – ҚР Бош вазири Асқар Мамин Жамбил вилоятининг Кордай туманидаги Гвардейский шаҳарчасида Таълим ва фан вазирлиги Фан қўмитасининг Биологик хавфсизлик илмий-тадқиқот институтида яратилган вакциналарни саноат даражасида ишлаб чиқарадиган биофармацевтика заводи қурилишини бошлаб берди, деб хабар беради Kazinform primeminister.kz сайтига таяниб.

Завод ишлаб чиқариш амалиётининг тегишли халқаро стандартларига (GMP) мувофиқ иммунобиологик дориларни, шу жумладан коронавирусга қарши вакциналар ишлаб чиқаради. Ҳозирги вақтда Қозоғистон илмий-тадқиқот институтининг COVID-19га қарши вакцинаси Жаҳон соғлиқни сақлаш ташкилоти рўйхатига киритилган ва клиникадан олдин синовдан муваффақиятли ўтмоқда.

Шунингдек, корхонада грипп пандемияси, сил, бруцеллёз, тугунча дерматит, майда кавш қайтарувчи жониворлар вабоси, қўй ва эчкиларнинг кантагиоз эктимаси, қўй чечаги, қутуриш ва бошқа юқумли касалликларга қарши вакциналар ишлаб чиқарилади.

Қурилишни шу йил декабрь ойида якунлаш ва йилига 60 миллион дозагача биофармацевтик препаратлар ишлаб чиқариш кўзда тутилган.

Қозоғистон Республикаси Таълим ва фан вазирлиги Фан қўмитасининг Биологик хавфсизлик илмий-тадқиқот институти 1958 йилда СССРнинг 6 та йирик вирусологик институтларидан бири сифатида ташкил этилган. Штат таркибига 214 тадқиқотчи ва етакчи вирусологлар (академиклар, фан докторлари ва фан номзодлари, PhD) киради. Хавфли инфекциялар билан ишлаш учун 13 лаборатория мавжуд.

Бугунги кунга қадар илмий-тадқиқот институти 5 лаборатория базасида 67 турдаги маҳаллий вакциналарни ишлаб чиқарди. Хусусан, соғлиқ учун юқори патоген парранда гриппи (дунёда 7) ва юқори патоген чўчқа гриппи (дунёда 6), қишлоқ хўжалигида парранда гриппи (дунёда биринчилардан бири), бруцеллёзга қарши янги векторли вакцина (дунё ўхшашларидан устундир). Бу йил чечакка қарши эмлаш ва СОVID-19га қарши 4 та вакцина ишлаб чиқилмоқда.

Илмий-тадқиқот институти хорижга вакциналарни етказиб берувчи сифатида Божхона иттифоқи реестрига, шунингдек Ислом ҳамкорлик ташкилоти вакциналарини ишлаб чиқарувчилар гуруҳига киритилган.