Коронавирус қурбонлари сони 490 нафарга етди

None
None
BEIJİŃ. Kazinform – Хитойда янги коронавирус туфайли вафот этганлар сони чоршанба куни 490 нафарга етди, деб хабар беради Kazinform Reuters агентлигига ҳавола қилиб.

Хитой Соғлиқни сақлаш миллий комиссияси тарқатган маълумотларга кўра, сешанба куни 65 одам ҳалок бўлган. Касаллик қурбонларининг кўпчилиги Ухан шаҳрида қайд этилган.

Кеча Хитойнинг континентал қисмида вирус юқтирган 3 887 одам рўйхатга олинган, жами касаллар сони 24 324 нафарга етди.



Япония Соғлиқни сақлаш вазирлиги хабарига кўра, Иокогама портида карантинда турган круиз лайнерининг 10 нафар йўловчисидан коронавирус топилган. Лайнердаги минглаб одамлар тиббий текширувдан ўтказилаётгани боис, бу рақам ҳали ортиши мумкин.



Ҳозиргача 273 одам текширувдан ўтди, шундан 31 нафари вирус юқтирган бўлиши мумкин дея тахмин қилинмоқда. Carnival Corp (CCL.N) лайнерида жами 3700 йўловчи ва экипаж аъзолари бор.



Жаҳон соғлиқни сақлаш ташкилоти Хитойдан ташқари 24 та мамлакат ва ҳудудларда жами 176 нафар одам касаллик юқтирганини маълум қилди.

Сўнгги хабарлар