Коронавирус: Қозоғистоннинг 4 вилояти ва 1 шаҳри «қизил» зонада

NUR-SULTAN. Kazinform – ҚР Соғлиқни сақлаш вазирлиги 18 январ куни мамлакат ҳудудларидаги эпидемиологик вазиятни баҳолаш учун матрицани эълон қилди, деб хабар беради Kazinform.

Вазирлик маълумотларига кўра, Қозоғистоннинг 4 вилояти ва 1 шаҳри, хусусан, Ақмола, Қостанай, Павлодар, Атирау вилояти ва Нур-Султан шаҳри «қизил» зонада.

«Сариқ» зонага Алмати, Қарағанди, Ғарбий Қозоғистон ва Шимолий Қозоғистон вилоятлари киради. Бошқа барча ҳудудлар коронавирусни тарқалиш хавфи бўйича «яшил» зонада.