Коронавирус: Қозоғистонда 11,2 минг киши даволанмоқда

NUR-SULTAN. Kazinform – Айни пайтда Қозоғистонда 11 232 киши коронавирусдан даволанмоқда. Улар орасида 672 нафари гўдак, деб хабар беради Kazinform Соғлиқни сақлаш вазирлигининг Telegram-каналига асосланиб.

Хабарда айтилишича, бугунги кунда мамлакатда 3 200 бемор касалхонага ётқизилган. 8 032 киши амбулатория шароитида даволанмоқда. «Умуман, 203 кишининг аҳволи оғир. Шундан 28 нафар беморнинг аҳволи ўта оғир. 30 бемор нафас олиш аппаратига уланган», - дейилади хабарда.