Коронавирус Хитойнинг бир нечта шаҳарларига тарқалди

PEKIN. Kazinform – Пекин билан чегарадош Хэбей провинциясининг учта шаҳрида 22 миллиондан ортиқ аҳолиси коронавируснинг қайта пайдо бўлиши сабабли изоляция қилинди, деб хабар беради Kazinform мухбири.

Хэбей провинциясида Шицзячжуан, Синтай ва Ланфан шаҳарлари COVID-19 авж олгани сабабли изоляция қилинган. Ушбу шаҳарларда 22 миллиондан зиёд аҳоли истиқомат қилади.

2021 йил бошидан бери Хитойда коронавирус янги ҳолатлари сони кескин ошди. Энг кўп касалланганлар Шицзячжуан шаҳарида қайд этилган. 11 миллион аҳолиси бўлган Шицзячжуан шаҳрида оммавий синовларнинг иккинчи босқичи сешанба куни бошланди.

Хитой ҳукумати Хэбей вилоятининг бошқа шаҳарлар аҳолисига Пекинга саёҳат қилмасликни маслаҳат берди.

Умуман олганда, жорий йилнинг 2 январидан бошлаб Хэбей провинциясида 400 дан ортиқ одамда коронавирус тасдиқланган ва 200 дан ортиқ симптомсиз ташувчиси аниқланган.

Муаллиф: Руслан Сулейменов