Корея ташқи ишлар вазири расмий ташриф билан Қозоғистонга келади

ASTANA. Kazinform – Корея Республикаси Ташқи ишлар вазири Пак Жин расмий ташриф билан Қозоғистонга келади. Бу ҳақда Қозоғистон Республикаси Ташқи ишлар вазирлиги расмий вакили Айбек Смадияров маълум қилди, дея хабар беради Kazinform мухбири.

«30 майдан 1 июнгача Корея Республикаси Ташқи ишлар вазири Пак Жин Қозоғистон Республикасида расмий ташриф билан бўлади. Ташриф доирасида Қозоғистон Бош вазири ўринбосари – Ташқи ишлар вазири Мурат Нуртилеу билан икки томонлама музокаралар ўтказиш режалаштирилган», – деди расмий вакил.

Айбек Смадияровнинг сўзларига кўра, томонлар Қозоғистон-Жанубий Корея муносабатларининг сиёсий, иқтисодий ва маданий соҳалардаги бугунги ҳолати ва истиқболларини муҳокама этади.

«Халқаро ташкилотлар ва форумлар доирасида икки давлат ҳамкорлиги юзасидан фикр алмашиш режалаштирилган. Ташриф доирасида Корея вазирининг Давлат раҳбарияти билан учрашуви режалаштирилган», – деди у.

Муаллиф: Марлан Жиембай