Колумбиядаги заводда юз берган бахтсиз ҳодиса оқибатида беш киши ҳалок бўлди

BOGOTA. Kazinform – Колумбиядаги гуруч заводида содир бўлган бахтсиз ҳодиса натижасида беш киши ҳалок бўлди, деб хабар беради Kazinform La FM радиостанциясига асосланиб.

Унинг маълумотига кўра, воқеа Пуэрто-Лопес (Мета марказий департаменти) муниципалитетида содир бўлган. 100 тонна гуруч солинган бункер ишчилар устига қулаб тушган. Беш киши воқеа жойида вафот этди. Расмийлар ҳодиса юзасидан текширув бошладилар.