Кобулдаги портлашда саккиз киши ҳалок бўлди, 18 киши жароҳатланди
10:33, 06 Август 2022
QOBUL. XINXUA - Kazinform – Кобулдаги портлаш оқибатида саккиз киши ҳалок бўлди, яна 18 киши жароҳат олди. Бу ҳақда шаҳар полицияси матбуот котиби Халид Задран ижтимоий тармоқларда маълум қилди, деб хабар беради Kazinform Синьхуа агентлигига таяниб.
Унга кўра, портлаш Кобулнинг олтинчи полиция округида содир бўлган. Портловчи қурилма қўл аравачасига ўрнатилган. Ҳужум нишони тинч йўловчилар бўлган. Саккиз киши ҳалок бўлди, яна 18 киши жароҳат олди. Ҳозирча ҳеч ким содир бўлган воқеа учун жавобгарликни ўз зиммасига олмади.
Сўнгги пайтларда Афғонистонда мактаблар, масжидлар ва автобусларда кетма-кет портлашлар содир бўлиб, қурбонлар ва жароҳатланганлар сони ортиб бормоқда. Ушбу жиноят учун масъулиятни «Исломий давлат» экстремистик гуруҳи ўз зиммасига олди.