Кобулдаги портлаш қурбонлари сони 53 кишига етди
17:15, 04 Октябр 2022
KABUL. SINHUA – Кazinform – Жума куни Кобул ғарбида содир этилган теракт қурбонлари сони 53 кишига етди. Бу ҳақда душанба куни БМТнинг Афғонистонга ёрдам кўрсатиш миссияси маълум қилди, дея хабар беради Kazinform Sinhuaга таяниб.
«Кобулнинг Ҳазар туманидаги таълим марказида юз берган портлашда ҳалок бўлганлар сони ортиб бормоқда. Уларнинг сони 53 кишига етди, улардан 46 нафари қизлар ва ёш аёллар, яна 110 нафари жароҳат олди», — дейилади Тwitterда.
Аввал хабар қилинганидек, жума куни эрталаб Кобул ғарбидаги таълим марказида талабалар имтиҳонга тайёрланаётган пайтда худкуш-террорчи ўзини портлатиб юборган.
Ҳозирча ҳеч ким теракт учун жавобгарликни ўз зиммасига олмади.
Фото: Sinhua