ҚМДБ электрон сигаретларни ҳаром деб эътироф этди
Эслатиб ўтамиз, Бош муфтий Науризбай ҳожи Тағанули раислигида ҚМДБ Уламолар кенгашининг ХХХVI йиғилишида бир қатор янги фатволар қабул қилинди. Жумладан, «Электрон сигаретлардан фойдаланиш тўғрисидаги низом» фатвоси матни тасдиқланди.
Қозоғистон мусулмонлари диний бошқармасининг Instagramдаги расмий саҳифасида электрон сигареталар кимёвий аралашмаси ва суюқлиги бўлган, никотин ва заҳарли моддаларни инсон организмига нафас йўллари орқали етказиб берувчи махсус алмаштириладиган патронли сигаретларнинг янги тури эканлиги ҳақида хабар берилган. Бир қатор уламолар чекишни ҳаром деб эътироф этиб, чекиш инсон саломатлигига зарарли эканлигини таъкидлаганлар.
Қуръони каримда: «Ўзларингизни ҳалокатга маҳкум қилманглар...» (Бақара сураси, 195-оят).
Имом Тахтавий ан-Нажму ал-Ғозийнинг сўзларини ҳам келтиради: «Тамаки ХV асрда Дамашқда пайдо бўлган. Чекиш одамни маст қилмаса ҳам, ҳаром саналади. Умму Саломдан келган ривоятда Пайғамбаримиз соллаллоҳу алайҳи васаллам марҳамат қиладилар: «Маст қилувчи ва куч қолдирмайдиган нарса ҳаромдир».
Олим Шайх Муҳаммад ал-Айний чекишнинг ҳаром ҳисобланишининг тўртта сабабини аниқлаган:
1. Инсон саломатлигига зарар етказиш
2. Наркотикнинг бир тури бўлиб, одамни заифлаштиради
3. Ёмон ҳид чекмайдиган одамга зарар келтиради
4. Исрофгарчилик
Мисол тариқасида, Иордания Уламолар қўмитаси ҳам электрон сигаретлардан фойдаланишни тақиқлагани айтилади.
– Бундан ташқари, Жаҳон соғлиқни сақлаш ташкилоти, ислом табобати олимлари илмий нуқтаи назардан электрон сигареталар, калян ва бошқа тамаки турлари инсон саломатлигига зарарли эканлигини бир неча бор таъкидлаган. Шунинг учун электрон сигаретлардан фойдаланиш ҳаром деб тан олинган, чунки одам оддий сигаретлардан кам зарар кўрмайди. Юқоридагилардан келиб чиққан ҳолда, электрон сигареталар инсон саломатлигига зарарли бўлгани учун ҳаром ҳисобланади», — дейилади ҚМДБ Уламолар кенгаши баёнотида.
Фото: muftyat.kz
Муаллиф: Арайлим Мурат