Қизилўрда вилоятида қиймати 215 миллиард тенгедан ортиқ бўлган иссиқлик-энергетика маркази қурилади
«Ўтган йилнинг ўзидаёқ шиша заводимиз 4,5 миллиард тенгелик 32 минг тоннадан ортиқ маҳсулот ишлаб чиқарди ва ҳақиқатан ҳам ички бозорни таъминлай бошлади. Жорий йилнинг 4 ойида 3,5 миллион кубометр шиша ишлаб чиқарилди. Бугунги кунда завод маҳсулотлари республикамиз вилоятларига сотилиб, Ўзбекистон, Қирғизистон, Тожикистон ва Россияга экспорт қилиняпти. Энди шиша заводи ёнида 32 миллиард 800 миллион тенгелик 3 та шўъба корхона ташкил этиш режалаштирилган. Бу лойиҳалар нафақат янги турдаги тадбиркорлик, балки янги иш ўринлари очиш, аҳоли даромадларини ошириш имконини беради», - деди вилоят ҳокими Нурлибек Налибаев марказий коммуникациялар хизматида ўтказилган брифингда.
Шунингдек, ҳоким «Шалқия» кони қандай ўзлаштирилишини тушунтириб берди. Жорий йилда конни қайта ишлаш заводи қурилиши бошланади. Бугун Европа тикланиш ва тараққиёт банки платформасида тендер ўтказиляпти.
«Марказлаштирилган иссиқлик таъминоти масаласини ҳал этиш мақсадида Туркиянинг «Акса энерджи» компанияси билан ҳамкорликда 240 мегаватт қувватга эга иссиқлик электр станциясига пойдевор қўйилди. Қиймати 215 миллиард тенгедан ортиқ бўлган ушбу лойиҳа 2025 йилда мамлакатга топширилади. Бу марказ ишга тушгач, вилоят электр энергиясини ташқаридан харид қилишни тўхтатади. Аксинча, ишлаб чиқарилган энергиянинг бир қисмини минтақадан ташқарига сотиш имкони ҳам пайдо бўлади. Шу тариқа ўтган асрнинг 60-йилларида фойдаланишга топширилган эскирган электр тармоқлари янгиланади, электр қуввати тақчиллигига барҳам берилади», - деди вилоят ҳокими.
Муаллиф: Есимжан Нақтибай