Қизилўрда вилояти ҳокими болаларга янги автобуслар ва лагерга йўлланма совға қилди

QYZYLORDA. Kazinform – Бугун Қизилўрда вилояти ҳокими Нурлибек Налибаев 1 июнь – Халқаро болаларни ҳимоя қилиш куни муносабати билан Президент истироҳат боғида ташкил этилган тантанада иштирок этиб, болаларни табриклади, деб хабар беради Kazinform.

Болаларга байрамона кайфият бағишлаш мақсадида истироҳат боғида «Мен бахтли боламан» мусиқий рақс композицияси, дрон-шоу ва махсус фото зона ташкил этилди.

Тадбир давомида вилоят раҳбари олимпиада ва илмий лойиҳа ғолибларини тақдирлади. Таълим муассасаларига 9 та янги автобус калитлари, лагерга йўлланмалар ва BILIMBOOK қурилмаларини топширди.

Эслатиб ўтамиз, бугундан бошлаб август ойига қадар вилоятда «Қозоғистон – бахтли болалик маскани» мавзусида ҳафталиклар ўтказилади. Болалар учун маданий-маънавий, спорт, интеллектуал тадбирлар билан бир қаторда хайрия акциялари ташкил этилади.