Қирғизистонлик фахрийлар Ғалаба кунида 1188 доллар олади

BISHKEK. Кazinform - Қирғизистонда 107 нафар Улуғ Ватан уруши қатнашчисига Ғалабанинг 77 йиллиги муносабати билан Президент жамғармасидан 10,8 миллион сом (128,5 минг доллар) миқдорида бир марталик моддий ёрдам берилади, дея хабар беради Kazinform мухбири мамлакат Президенти матбуот хизматига таяниб.

Президент томонидан имзоланган фармонга кўра, Улуғ Ватан уруши қатнашчиларининг қуйидаги тоифаларига бир марталик ёрдам доирасида 100 минг сом (1188 доллардан ортиқ) миқдорида пул тўланади:

- Улуғ Ватан уруши ногиронлари;

- Улуғ Ватан уруши қатнашчилари;

- Иккинчи жаҳон уруши даврида нацистлар ва уларнинг иттифоқчилари томонидан ташкил этилган концлагерлар, геттолар ва бошқа қамоқхоналарнинг собиқ вояга етмаган асирлари;

- 1941 йил 8 сентабрдан 1944 йил 27 январгача қамалдаги Ленинград шаҳрининг корхона, муассаса ва ташкилотларида ишлаган ва «Ленинград мудофааси учун» медали ва «Қамалдаги Ленинград аҳолиси» кўкрак нишони билан тақдирланган шахслар.

Бундан ташқари, 9 майга қадар мазкур тоифадаги шахсларга 20 минг сом (тахминан 237,7 АҚШ доллари) миқдорида қўшимча бир йиллик йиллик нафақа, шунингдек, олти ҳисоб–китоб кўрсаткичи ва тўрт ҳисоб-китоб кўрсаткичи миқдорида бир марталик нафақа тўланади.

Қозоғистонда Ғалаба кунида ҳар бир фахрий 1 миллион тенгедан, яъни 2329 доллардан олган.

Мамлакатнинг икки вилоятидаги уруш фахрийларига 2 миллион тенге (4659 доллар) миқдорида бир марталик ёрдам кўрсатилди.

Муаллиф: Гулмира Абдрахманова