Қирғизистондаги Боом дарасида сел келди
20:30, 05 Август 2022
BISHKEK. KABAR - Kazinform - «Бишкек-Норин-Торугарт» автомобил йўлининг 136-километрида соат 16:30 да Боом дарасида ҳажми тахминан 600 куб метр бўлган сел оқими яна келди, деб хабар беради Kazinform Kabar ахборот агентлигига таяниб.
Қирғизистон Республикаси Транспорт ва коммуникациялар вазирлиги маълумотларига кўра, дастлаб йўлда ҳар икки йўналишда ҳам ҳаракат бутунлай тўхтатилган. Соат 17:10 дан бошлаб Бишкек йўналишидаги йўл транспорт ҳаракати учун очилди.
«Ҳозирда битта махсус техника сел оқибатларини бартараф этиш учун йўлга чиқди», — дейилади хабарда.