Қирғизистонда минерал ўғитлар экспортига мораторий жорий этилади

BISHKEK. Kazinform - Қирғизистон минерал ўғитларни Евроосиё иқтисодий иттифоқи божхона ҳудудидан ташқарига олиб чиқишни вақтинчалик тақиқлаш масаласини кўриб чиқмоқда, дея хабар бермоқда Kazinform мухбири Қирғиз Республикаси Вазирлар Маҳкамаси сайтига таяниб.

Минерал ўғитларнинг стратегик захирасини яратиш ва мамлакат озиқ-овқат хавфсизлигини таъминлаш мақсадида мораторий олти ой муддатга белгиланди.

Қирғизистонда минерал ўғитларни ишлаб чиқариш йўқлиги сабабли, мамлакатга асосий ўғит етказиб бериш ҳукуматлараро келишув асосида Ўзбекистондан амалга оширилмоқда. Шу билан бирга, ўғитларнинг умумий ҳажмининг 30-35 фоизи Россия ва Қозоғистондан келтирилади.

Қирғиз Республикаси Қишлоқ хўжалиги вазирлиги маълумотларига кўра, минерал ўғитларни истеъмол қилиш мавсумида ўз-ўзидан пайдо бўладиган дилер гуруҳлари ташкил этилади, уларнинг фаолияти қишлоқ хўжалигини ўғитлар билан таъминлаш учун реал хавф туғдиради. Баҳорги дала ишлари бошланиши билан, айниқса, катта миқдордаги ҳосил қўшни республикаларга реекспорт қилинаётганда таъминот билан боғлиқ қийин вазият юзага келади.

Бу чора республика қишлоқ хўжалигини минерал ўғитлар билан ўз вақтида ва тўлиқ таъминлашга хизмат қилади.

Муаллиф: Гулмира Абдрахманова